Søkja eftir stjóra til løgtingið

Nú verður lýst eftir stjóra til Løgtingið. 

Løgtingið skal hava nýggjan stjóra, tí Súsanna Danielsen, sum hevur verið stjóri á løgtingsskrivstovuni í 18 ár, hevur sagt upp, og fer úr starvinum tann 1. november. 

Stjórin er dagligur leiðari í umsiting løgtingsins og skal millum annað hava eftirlit við, at at øll tingmál eru løgfrøðiliga og málsliga røtt.

Stjórin skal eisini virka sum løgfrøðiligur ráðgevi hjá flokkum og tingfólkum. 

Umsøkjarar skulu hava løgfrøðiligt embætisprógv ella aðrar viðkomandi útbúgving, og umsøkjarar skulu eisini hava leiðsluroyndir. 

Starvið sum stjóri í løgtinginum er lønt í 40. lønflokki í tænastumannalógini, og lønin er góðar 58.000 krónur um mánaðin. 

Freistin at søkja starvið er 19. september klokkan 15.30.