- Tíðindi, mentan og ítróttur
Pengar vanta til at kanna Eik grunnin
<div>Tað gongur illa at fáa pengar til at granska Eik grunnin. Sambært grunnalóggávuni skal ein grunnur, sum verður granskaður, sjálvur rinda granskingina, men grunnamyndugleikin, í hesum førinum Skrásetingin, leggur pengarnar út. Skrásetingin metir, at granskingin kostar hálva aðru millión.</div><div><div><br></div><div>Eik grunnurin verður viðgjørdur sum trotabúgv. Skrásetingin kravdi pengarnar frá trotabúnum og bað um at fáa kravið viðgjørt sum krav, sum hevur framíhjárætt til at fáa pengar frá búnum.</div><div><br></div><div>Men tað vildu bústjórarnir ikki, og teir bóðu Føroya rætt avgera málið. Føroya rættur sigur, at kravið hevur ikki framíhjárætt. Skásetingin fer ikki í Landsrættin við málinum, hóast talan er um nýggjan rættarsið, tí einki fordømi var um slíkt mál. </div><div><br></div><div>Skásetingin hevur brúk fyri einari millión og 315.000 kr. afturat til granskingina. Ætlanin er at biðja Vinnumálaráðið um eykajáttan. </div><div><br></div><div>Eyðfinnur Jacobsen, advokatur, sum skal gera granskingina fyri Skrásetingina, hevur latið Skrásetingini eina ávegis frágreiðing. Endalig frágreiðing skuldi latast í seinasta lagi 1.juli í ár. Men tað veldst alt um, pengar fáast til granskingina.</div></div><div><br></div>
