- Tíðindi, mentan og ítróttur
Almannastovan áløgd meira arbeiði
<div>Landsstýrið hevur ikki sett pengar av til fleiri fólk á Almannastovuni, hóast Almannamálaráðið ásannar, at lógirnar fara at krevja nógv størri umsiting.</div><div><div><br></div><div>Talan er um at broyta lógina um dagpengar og lógina um arbeiðsfremjandi tiltøk.</div><div><br></div><div>Almannastovan sigur, at onnur lógin krevur trý starvsfólk afturat og hin fýra. Tí mælir Almannastovan til, at hon fær ein "startpakka", sum er tríggjar milliónir krónur afturat í 2013 og 2014, sum so kunnu fara av aftur játtanini í 2015, 2016 og 2017, ein millión um árið. </div><div><br></div><div>Almannamálaráðið sigur, at aðrar broytingar í almannaverkinum helst fara at hava við sær minni umsiting og rakstrarfyrimunir á Almannastovuni. Men Almannastovan heldur fast um, at samanumtikið er eingin orka til avlops at brúka til at fremja ætlaðu lógarásetingarnar.</div></div>
