Veiðibann: Ov nógv sild uppií

Fiskiveiðieftirlitið hevur sett bráðfeingis veiðibann at fiska við uppsjóvartroli á hesum øki, tí ov nógv norðhavssild er uppi í veiðuni. 

1. 6410N - 0554V

2. 6343N - 0554V

3. 6343N - 0730V

4. 6410N - 0730V

5. 6410N - 0554V

Veiðbannið er galdandi fyri øll føroysk skip, ið hava loyvi at fiska makrel í føroyskum sjógvi í ár. Tó eru tey undantikin, ið hava tillutaða kvotu av øðrum uppsjóvarfiski.

Orsøkin til bráðfeingis veiðubannið er, at skip, ið hava roynt eftir makreli í økinum, hava boðað frá, at tey hava fingið meira norðhavssild, enn tey mest loyvdu 10 prosentini, verður sagt á Fiskiveiðueftirlitinum.

Veiðibannið kemur í gildi í dag klokkan 14, og tað er galdandi til 2. september klokkan 14