- Tíðindi, mentan og ítróttur
Sjúkrakassagrunnur aftur í fíggjarnevndina
<div>Bill Justinussen, sum kom við uppskotinum at senda málið aftur í nevnd, er annars í meirilutanum í Fíggjarnevndini, sum ikki vil hava grunnin, men nú landsstýrismaðurin hevur gjørt semju um hann, kann grunnurin sleppa at virka í tíggju ár.</div><div><div><br></div><div>Samgongan er ikki so fegin um Sjúkrakassagrunnin, sum Karsten Hansen, landsstýrismaður, ætlar at stovna í vár.</div><div><br></div><div>Men samgongulimirnir í Fíggjarnevndini virða kortini semjuna, sum landsstýrismaðurin hevur gjørt við sjúkrakassarnar. Teir fara tí ikki at mæla tinginum frá at atkvøða fyri uppskotinum um Sjúkrakassagrunn Føroya. </div><div><br></div><div>Men grunnurin skal bara vera til í tíggju ár, søgdu Bárður Nielsen, Jákup Mikkelsen, Rodmundur Nielsen og Bill Justinussen.</div><div><br></div><div>Meirilutin í Fíggjarnevndini mælir tí til at broyta lógina, so hon eisini sigur, at grunnurin skal innan tíggju ár hava útgoldið alt grunsfæið sum stuðul, so grunnurin er tómur.</div><div><br></div><div>Karsten Hansen ætlar, at Sjúkrakassagrunnurin skal veita stuðul til átøk og verkætlanir, sum kunnu menna heilsuøkið í Føroyum, men sum ikki eru partur av rakstrinum av heilsuverkinum annars. Talan kann vera um gransking og upplýsing. </div><div><br></div><div>Grunnurin skuldi eisini kunna selja ískoytisheilsutryggingar. </div><div><br></div><div>Ognirnar hjá teimum 11 sjúkrakassunum, okkurt um 30 mió. kr., skulu í grunnin.</div></div><div><br></div>
