- Tíðindi, mentan og ítróttur
Útlendingar skulu eftirmeta Fróðskaparsetrið
<div>Útlendskir serfrøðingar skulu eftirmeta Fróðskaparsetrið, og eru útbúgvingarnar hjá setrinum ikki nóg góðar, kunnu tær góðkenningina. Mentamálaráðið og Fróðskaparsetrið eru farin at leita eftir fólki, sum skulu skipa eftirmetingina. Tað sigur Mentamálaráðið í svari til Mentanarnevndina hjá løgtinginum, sum viðger broytingarnar í lógini um Fróðskaparsetrið.</div><div><div><br></div><div>Landsstýrismaðurin í mentamálum skal síggja til, at uttanhýsis serfrøðingar gera fakligar eftirmetingar. Mentamálaráðið sigur, at lyklafólk á útlendskum universitetum skulu skipa eftirmetingina.</div><div> </div><div>Um eftirmetingar staðfesta, at álvarsligir trupulleikar eru á stovninum ella í einum útbúgvingartilboði, skal stovnurin við hóskandi freist hava høvi at rætta hesar trupulleikar, áðrenn landsstýrismaðurin kann taka góðkenningina frá einum útbúgvingartilboði.</div><div><br></div><div>Sambært lógaruppskotinum hjá Mentamálaráðnum skal Fróðskaparsetrið eisini hava innanhýsis góðskutrygging. Og landsstýrismaðurin skal eftirmeta Setrið. Uttanhýsis serfrøðingar skulu gera eftirmetingina.</div><div><br></div><div>Sambært Mentamálaráðnum skal Fróðskaparsetrið góðskutryggja útbúgvingarnar við innanhýsis skipan, har útbúgvingarnar við jøvnum millumbili verða góðskumettar sambært altjóða krøvum. </div><div><br></div><div>Nýggja góðskuskipanin, sum verður gjørd í ár, skal gera tað gjørligt at samanbera Fróðskaparsetrið við lærdar háskúlar í </div><div>okkara grannalondum og í Evropa.</div></div>
