Skaðar darva kvinnulandsliðnum

Fimm leikarar á føroyska kvinnulandsliðnum hava skaðar sum gera, at tað er ivasamt, um tær eru við í HM-undankappingardystinum móti Norðurírlandi í kvøld.

Venjarin, Jón Pauli Olsen, sigur við fsf.fo, at tað er ivasamt, um Heidi Sevdal, Ansy Sevdal, Oddrún Danielsen, Valgerð Andreasen og Elin Maria Isaksen verða tøkar í kvøld.

Spæla um at sleppa undan aftasta plássi

Føroyska landsliðið er í løtuni næstniðast í bólkinum. Vinna tær ella spæla javnt móti Norðurírlandi, varðveita tær plássið. Føroyar og Norðurírland hava í løtuni bæði tvey stig, men Føroyar hava betri málúrtøku.

Dysturin millum Føroyar og Norðurírland í Føroyum endaði 0-0.

HM-undankappingardysturin millum Norðurírland og Føroyar byrjar klokkan 19.30 í kvøld.

Støðan:

Svøríki                    27

Skotland                24

Pólland                  13

Bosnia/Hersigovina  9

Føroyar                  2

Norðurírland           2