- Tíðindi, mentan og ítróttur
Ikki rætt at samráðast saman
<p>- Verður spurt, um tað í løtuni er rætt at samráðast saman, noyðast vit at ásanna, at tað er tað ikki. </p><div><br></div><div>Soleiðis sigur Maud Wang Hansen, forkvinna í Pedagogfelagnum, í frágreiðingini til aðalfundin í Pedagogfelagnum 14. apríl.</div><div><br></div><div>Maud Wang Hansen sigur, at Fakfelagssamstarvið stóð sína roynd í samráðingunum við lønardeildina í Fíggjarmálaráðnum og Kommunala Arbeiðsgevarafelagið. Men leisturin, sum samráðingarnar vórðu lagdar eftir, var beinleiðis atvoldin til, at felags samráðingarnar fingu vánalig kor.</div><div><br></div><div>- At feløgini í útgangsstøðinum eru sera ymisk, er ikki endiliga ein trupulleiki. Men vantandi áhugin frá mótpartinum at samáðast gav okkum ein trupulleika, sigur Maud Wang Hansen í frágreiðingini til aðalfundin. </div><div><br></div><div>Føroya Lærarafelag hevur tikið seg úr Fakfelagssamstarvinum, og nú eru bert trý feløg eftir: Starvsmannafelagið, Havnar Arbeiðskvinnufelag og Pedagogfelagið. Nevndirnar í hesum feløgum fara nú at eftirmeta støðuna, og um grundarlag er at halda fram at samráðast saman, sigur Maud Wang Hansen.</div><div><br></div><div>- Verður spurt, um tað í løtuni er rætt at samráðast saman, mugu vit ásanna, at tað er tað iki. Tó eru nógv mál, sum vit eiga at loysa í felag, og enntá við fleiri fakfeløgum enn teimum, sum vóru í Fakfelagssamstarvinum, sigur forkvinnan í Pedagogfelagnum í frágreiðingini til aðalfundin hjá Pedagogfelagnum. </div><div><br></div><div><br></div><div><br></div><div><br></div>
