Einfaldari at keypa kvotur í Noregi

Elisabeth Aspaker mælir til, at báturin ikki verður knýttur at kvotuni, tá hon skal seljast.

- Eg vil fegin sleppa fiskimonnum undan ov nógvum pappírsarbieði. Vit skulu sleppa undan aftur- og-fram-sølum av bátum, og fiskimenn skulu heldur ikki brúka sína tíð upp á at fylla út umsóknarbløð. Skipanin hevur verið alt ov stirvin, sigur Elisabeth Aspaker við NTB.

Einfaldari mannagongd

Hon hevur sent út uppskot til hoyringar um broytingar í lógini, sum ger mannagongdirnar einfaldari, tá kvotur verða seldar frá einum báti til annan. 

Í dag noyðast fiskimenn at søkja í trimum umførum, og skipið ella báturin má skifta eigara fyri at kvoturnar kunnu flytast frá einum reiðara til annan.