Eingir nevniverdir skaðar í fyrsta heyststorminum

Ikki er frætt um stórvegis skaðar í storminum í gjarkvøldið og í nátt.

Politistøðin í Havn hevur fingið fráboðanir um trampolinir, sum eru farnar á flog, okkurt træ er koppað og nakrir byggipallar, nøkur stillads, stóðu og ridlaðu.

Sambært Landsverki er harðasta hvirlan, sum er máld seinasta samdøgrið, 57 m/sek. og mesti miðalvindur góðir 34 m/sek. 

Sambært donsku veðurstovuni verður framvegis upp í storm av útsynningi í dag, men seinnapartin minkar vindurin.