Geir H. Haarde sendiharri í USA

Fyrrverandi íslendski forsætisráðharrin, Geir H. Haarde, verður nýggjur íslendskur sendiharri í USA. 

Hann tekur við starvinum í nýggja árinum.

Geir H. Haarde var forsætisráðharri frá 2006 til 2009. Frammanundan var hann uttanríkisráðharri og fíggjarmálaráðharri. 

Hann var formaður í Sjálvstæðisflokkinum frá 2005 til 2009.

Geir H. Haarde, sum er útbúgvin búskaparfrøðingur í USA, var forsætisráðharri, tá búskaparkreppan í Íslandi leikaði sum harðast, og hann gavst í politikki í 2009.