- Tíðindi, mentan og ítróttur
Umsóknirnar at sleppa í Hoydalar seta met
<div>Umsóknirnar um at sleppa á Studentaskúla- og HF-skeiðið í Hoydølum næsta skúlaár seta met.</div><div><br></div><div>- 356 umsóknir eru komnar, og tað er met, sigur rektarin, Mikkjal Helmsdal.</div><div><br></div><div>Av teimum 356 vilja 251 sleppa á Studentaskúla, meðan hini 105 hava søkt um upptøku á HF-skeið.</div><div><br></div><div>- Nú fara vit at gjøgnumganga umsóknirnar, og øll upptøkutilgongdin skal vera liðug, tá henda vikan er av, sigur rektarin.</div><div><br></div><div>Skúlin hevur skyldu at taka allar næmingar inn, sum eru skikkaðir.</div><div><br></div><div>Mikkjal Helmsdal sigur, at sum tað sær út nú, noyðist skúlin taka tveir flokkar fleiri inn, enn tað fara út.</div><div><br></div><div>Spurdur, hvussu tey loysa hølistrupulleikarnar, sum standast av hesum, sigur hann, at tað er ikki avgjørt enn, men tað fara tey at tosa við Mentamálaráðið um.</div><div><br></div><div>- Spurningurin er, um tað ber til at loysa trupulleikan við at leingja skúladagin, ella um vit noyðast at fáa eyka høli til vega, sigur Mikkjal Helmsdal. Bíligasta loysnin er at leingja skúladagin.</div><div><br></div>
