- Tíðindi, mentan og ítróttur
Eingir pengar at granska Eik fyri
<div>Nú veldst um pengarnar, um Skrásetingin heldur fram at granska Eik Grunnin.</div><div><br></div><div>Skrásetingin gjørdi í fjør av at granska - sum tað eitur á tí fakmálinum - Eik Grunnin. Eyðfinnur Jacobsen, advokatur, varð settur at gera tað, og hann er komin við einari ávegis frágreiðing. </div><div><br></div><div>Har sigur hann millum annað, at granskingin kann gerast fyri upprunaligu kostnaðarmetingina, sum er hálv onnur millión krónur. Men so er brúk fyri einari millión og 315.000 kr. afturat, tí bara 185.000 kr. vórðu brúktar av játtanini í fjør, sum var 500.000 kr. Men tær 315.000 duttu burtur á nýggjaárinum, tí játtanin hevði ikki C-átekning.</div><div><br></div><div><b>Ætla at biðja um eykajáttan</b></div><div><br></div><div>Ætlanin er at biðja Vinnumálaráðið um eykajáttan, sigur Jógvan Thomsen, stjóri í Skrásetingini. Men tað verður ikki beint nú, tí týsdagin fer Skiftirætturin at avgera, um kravið hjá Skrásetingini um pengar til granskingina skal frammaliga í røðini við krøvum móti trotabúnum eftir Eik Grunnin.Sambært grunnalóggávuni skal ein grunnur, sum verður granskaður, sjálvur rinda granskingina, men grunnamyndugleikin, í hesum førinum Skrásetingin, leggur út. </div><div><br></div><div>Skrásetingin hevur longu kannað Eik Grunnin. Tann kanningin hevur avdúkað umstøður, sum kunnu sáa iva um, antin nevndin í Eik Grunninum bara virkaði sambært lóg um vinnurekandi grunnar og áhugamálunum hjá grunninum, ella um óviðkomandi fyrilit eisini vóru tikin. </div><div> </div><div>Skrásetingin vil hava greiðu á, um nevndin í Eik Grunninum helt tær skyldur og livdi upp til ta ábyrgd, sum henni var áløgd eftir grunnalóggávuni, umframt møguliga aðrari vinnulóggávu. Fyrst og fremst viðurskifti hjá Eik Grunninum seinastu fimm roknskaparárini, frá 2006 til 2010, verða kannað.</div><div><br></div><div><b>Endalig frágreiðing í summar</b></div><div><br></div><div>Eyðfinnur Jacobsen hevur latið Skrásetingini eina ávegis frágreiðing. Endalig frágreiðing skuldi latast í seinasta lagi 1.juli í ár. Men tað veldst alt um, antin pengar fáast til granskingina.</div><div><br></div><div>Løgtingið er ikki so hugað at lata pengarnar. Og síðani veldst eisini um, hvør støðan hjá kravinum hjá Skrásetingini móti trotabúnum verður eftir avgerðina hjá Skiftirættinum týsdagin. Og tann avgerðin kann kærast, men gevur tó helst eina ábending um møguleikan at fáa pengarnar frá trotabúnum. Enn er heldur ikki greitt, um trotabúgvið fer at hava so frægt av pengum, tá avtornar, at Skrásetingin kann fáa hálva aðru millión.</div><div><br></div><div><br></div><div><br></div><div><br></div>
