- Tíðindi, mentan og ítróttur
Útbúgvingarskipanir til ófaklærd
<p>Javnaðarflokkurin hevur skotið upp, at løgtingið skal heita á landsstýrismannin í vinnumálum at leggja fram lógaruppskot um arbeiðsmarknaðardepil.</p><div><br></div><div>Arbeiðsmarknaðardepilin skal samskipa verandi og nýggjar skipanir á arbeiðsmarknaðarøkinum, t.d. ALS, Barsisskipanina, Fasta Gerðarrætt, Samhaldsfasta o.s.fr. Hetta eigur at verða gjørt í samstarvi við partarnar á arbeiðsmarknaðinum, sigur Javnaðarflokkurin.</div><div><br></div><div>Víst verður á, at í grannalondunum og øðrum framkomnum londum er ein virkin arbeiðsmarknaðarpolitikkur eitt høvuðsamboð at tryggja vælferðina, fíggjarliga støðufestið og arbeiðsskapandi vøkstur.</div><div><br></div><div>Depilin skal taka stig til ítøkilig tiltøk á arbeiðsmarknaðinum og útgreina kostnað og fígging av eitt nú eftirúbúgvingarskipanum.</div><div><br></div><div>Javnaðarflokkurin sigur, at tað er átrokandi at gera eina útbúgvingarskipan fyri ófaklærd ella tilkomin, sum ikki hava aðra skúlagongd enn fólkaskúlan, tí tað er altíð hesin bólkurn, sum verður meinast raktur av arbeiðsloysi, og hevur verri við at fóta sær á arbeiðsmarknaðinum í framtíðini.</div>
