- Tíðindi, mentan og ítróttur
Avgreiða seinastu milliónirnar til Leirvíkarvegin
<div>Løgtingið skal í dag endaliga samtykkja at játta fleiri pengar til nýggja landsvegin í Leirvík, so hann kann gerast liðugur.</div><div><br></div><div>Kári P. Højgaard, landsstýrismaður í innlendismálum, biður løgtingið um fýra milliónir krónur afturat, soleiðis at samlaði kostnaðurin fyri vegin kemur uppá 49 milliónir krónur. Harafturat koma tríggjar milliónir krónur til projektering.</div><div><br></div><div>Orsøkin til meirkostnaðin er, sambært innlendismálaráðnum, hægri lendisprísur í samband við ognartøku, øktar handverkaraútreiðslur og eyka projektering. Tí skal verklagslógin broytast, so heimild at at brúka 49 milliónir, heldur enn 45 milliónir til vegin.</div><div><br></div><div>Ein samd Fíggjarnevnd tekur undir við at játta fýra milliónir krónur afturat til vegin í Leirvík, men heldur samstundis, at tær tríggjar milliónirnar til projektering skulu takast við í sjáva verklagslógina, fyri á tann hátt at vísa eina rættari mynd av veruliga kostnaðinum.</div><div><br></div><div>3. viðgerð av málinum verður á tingfundinum, ið byrjar klokkan 11.</div><div><br></div>
