- Tíðindi, mentan og ítróttur
Viðskiftafólkini fáa meiri burturúr
<div>Lív lovar nú viðskiftafólkum sínum fleiri pengar, tí felagið fer at leggja um til marknaðarrentu í staðin fyri at brúka miðalrentuna.</div><div><br></div><div>Fíggjarkreppan, sum byrjaði í 2008, og herd krøv frá ES til tryggingarfeløg og pensjónsfeløg, hava gjørt, at øll pensjónsfeløgini í Danmark hava lagt um til marknaðarrentu, og nú ger Lív tað sama.</div><div><br></div><div>Lív lovar, at viðskiftafólkini fáa meira burturúr, millum annað tí umsitingin fer at kosta minni. Veitingartrygdin noyddi eisini Lív at seta pengarnar í lánsbrøv, sum geva eina sera lága rentu, og Lív noyddist at keypa dýrar rentutryggingar.</div><div><br></div><div>Sambært Lív kann marknaðarrenta geva fimm prosent í avkasti til tryggingartakaran, men miðalrentan gevur bara hálvt triðja prosent.</div><div><br></div>
