- Tíðindi, mentan og ítróttur
Føroyar við í altjóða avtalu um skattasvik
Føroyar við í altjóða avtalu um skattasvik
Jørgen Niclasen undirskrivaði avtaluna í Berlin mikudagin. Upplýsingar skulu fara millum londini av sær sjálvum
Mynd: Føroyar eru sjálvstøður partur í altjóða skattaavtalu, sum Jørgen Niclasen hevur undirskrivað.
31.10.2014 - 08:17
Føroyar vóru við, tá 52 lond í øllum heimspørtum mikudagin skrivaðu undir avtalu um at forða fyri altjóða skattaundandrátti.
Jørgen Niclasen, landsstýrismaður, var í Berlin, har avtalan varð undirskrivað.
Nógvar avtalur eru longu millum lond um skattaundandrátt.
Men í hesum avtalunum binda londini seg til bara at lata frá sær upplýsingar eftir áheitan frá øðrum londum.
Nýggja avtalan miðar eftir, at upplýsingarnar fara av sær sjálvum millum londini. Talan verður um sjálvvirkandi skipan.
Ætlanin er, at skipanin skal setast í verk í 2017.
Higartil hava Føroyar verið við sum partur av Danmark í slíkum skattavtalum. Nú eru Føroyar við sum sjálvstøðugur partur, sigur Jørgen Niclasen, landsstýrismaður.
Er kopiera
Nýggjastu sendingar í ÚV
Nýggjastu sendingar í SV
