- Tíðindi, mentan og ítróttur
Formaðurin: Mentamálaráðið gav grønt ljós
<div>Seinasta orðið er neyvan sagt í málinum um nevndarsamsýningarnar í sambandi við fyrireikingina av Skúladeplinum í Marknagili.</div><div>Stýrið fyri Tekniska skúla í Havn ætlar neyvan at lata ákærurnar, sum Fíggjarmálaráðið er komið við, fara aftur við borðinum. Tað sigur Magnus Magnussen, stýrisformaður.</div><div><br></div><div>Tað var í gjár, at Fíggjarmálaráðið gav bæði stýrinum fyri Føroya Handilsskúla og Tekniska Skúla í Havn hvør sína átalu fyri handfaringina av málinum.</div><div><br></div><div>Grundgevingarnar eru millum m.a.:</div><div><br></div><div> <i>- at stýrini ikki hava borið seg hóskandi at, </i></div><div><i> - at tey ikki hava kannað reglurnar fyri samsýningum til nevndarlimir, </i></div><div><i> - og tað tey ikki hava steðgað samsýningunum til seinnu bygginevndina.</i></div><div><br></div><div><b>Kundu sjálvi áseta samsýningar</b></div><div><br></div><div>Stýrisformaðurin fyri Tekniska skúla vísir hesum aftur.</div><div><br></div><div> - Vit hava millum annað víst á, at stýrið er ovasta leiðsla í einum sjálvsognarstovni, og at vit fingu grønt ljós úr Mentamálaráðnum sjálvi at áseta samsýningarnar, sigur Magnus Magnussen, sum heldur málið vera prinsipielt. Hann er harumframt ónøgdur um, at Fíggjarmálaráðið í síni viðgerð ikki tykist hava tikið atlit at grundgevingunum, sum ein løgfrøðingur sendi vegna stýrið.</div><div><br></div><div>Fíggjarmálaráðið staðfestir í niðurstøðuni, at hvørki Reidar Nónfjall, táverandi stjóri á Føroya Handilsskúla, ella Egon Øregaard, stjóri á Tekniska skúla í Havn, høvdu heimild til at fáa nevndarsýning eftir mai 2008, tá Mentamálaráðið yvirtekur leiklutin sum byggiánari frá báðum skúlastýrunum.</div><div>Tí skulu stýrini hvør í sínum lagi krevja aftur ávíkavist góðar 495.000 krónur frá Reidari Nónfjall og 45.000 krónur frá Egoni Øregaard. </div><div><br></div><div>- Hóast vit ikki meta, at Fíggjarmálaráðið kann áleggja okkum nakað - einans koma við áheitanum - so fara vit helst at viðgera tað á nevndarfundi í næstum, sigur Magnus Magnussen.</div><div><br></div><div><b>Onkur sleppur undan</b></div><div><br></div><div>Ein lærari, sum eisini fekk samsýning frá Tekniska skúla fyri at sita í nevndini, sleppur - eins og læraraumboðið fyri Føroya Handilsskúla - undan at rinda, tí hann sambært Fíggjarmálaráðnum má metast at hava verið í góðari trúgv. Skúlastjórin hevur latið honum samsýningina.</div><div><br></div><div>Nevndarsamsýningarnar, sum vórðu latnar fyrru bygginevndini fyri 2008, kunnu sambært Fíggjarmálanum neyvan krevjast afturgoldnar, tí bæði stýrini helst hava verið í góðari trúgv, og hava mistulkað ein teldupost úr Mentamálaráðnum, sum staðfesti, at stýrini sjálvi kunnu áseta samsýningar.</div><div><br></div><div><div>Reidar Nónfjall, fyrrverandi stjóri á Føroya Handilsskúla, gjørdi í gjár greitt, at hann ætlar sær ikki at gjalda samsýningina aftur. Stýrið fyri Handilsskúlan verður kallað saman í næstum at viðgera støðuna.</div><br class="Apple-interchange-newline"></div><div><br></div>
