- Tíðindi, mentan og ítróttur
Tjóðveldi vil yvirtaka loftrúmið
<p>Stendur tað til Tjóðveldi, kemur loftrúmið á føroyskar hendur 1. januar.</p><div><br></div><div>Tjóðveldi hevur lagt fram lógaruppskot um at fáa loftrúmið undir føroyskt ræði. Flokkurin sigur, at við broytingunum í tingskipanini, sum vórðu samtyktar í summar, ber nú til at leggja lógaruppskot fyri tingið, sum viðvíkja føroyskum fullveldi. Fyrr vórðu slík mál víst aftur, tí tey stríða ímóti heimastýrislógini og øðrum donskum lógum.</div><div><br></div><div>Í dag hevur Danmark lagt umsitingina av føroyska loftrúminum til Íslands, men eingin hevur fingið innlit í, hvørji gjøld eru millum partarnar, og hvørji gjøld verða kravd, sigur Tjóðveldi.</div><div><br></div><div>Útrokningar, sum eru lagdar við uppskotinum, vísa, at fyrisitingin av loftrúminum kann geva upp í trísiffraðar milliónaupphæddir. Tjóðveldi sigur, at yvirtøkan av loftrúminum kann geva stórar inntøkur, arbeiðspláss, ið krevja fakliga vitan, og kann menna føroyskar førleikar sum heild. </div>
