- Tíðindi, mentan og ítróttur
Fólkaflokkurin missir tveir tingsessir
<p>Hevði løgtingsval verið nú, hevði landsstýrissamgongan bert havt tepran meiriluta. Fólkaflokkurin, sum á valinum 29. oktober fekk 22,5 prosent av atkvøðunum, hevði mist 3,5 prosent, og tað hevði kostað flokkinum tveir tingsessir.</p><div><br></div><div>Tað vísir ein kanning, sum Gallup hevur gjørt fyri Sosialin, og sum verður kunngjørd í dag.</div><div><br></div><div>Sambandsflokkurin, sum eisini hevði eitt gott løgtingsval, fær sambært kanningini ein lítla afturgongd, 0,3 prosent. Teir báðir smáu flokkarnir í samgonguni hava eisini afturgongd: Sjálvstýrisflokkurin fer úr 4,2 niður í 3,3 prosent, og Miðflokkurin missir 1,4 prosent, úr 6,3 niður í 4,9 prosent. Sambandsflokkurin, Sjálvstýrisflokkurin og Miðflokkurin varðveita sínar tingsessir.</div><div><br></div><div>Allir tríggir andstøðuflokkarnir hava framgongd, og varð val nú, høvdu Tjóðveldi og Javnaðarflokkurin fingið hvør sín tingsess afturat. Framgongdin hjá Tjóðveldinum er 2,5 prosent og hjá Javnaðarflokkinum 2,4 prosent. Framsókn hevði fingið 1,2 prosent afturat, var val nú. </div><div><br></div><div><br></div>
