- Tíðindi, mentan og ítróttur
Bjargingarbátar sleppa undan oljuavgjaldi
<div>Bátar hjá sjálvbodnu bjargingarfeløgunum kring landið eiga at sleppa undan avgjøldum á olju. Tað heldur Jørgen Niclasen, landsstýrismaður í fíggjarmálum.</div><div><br></div><div>Hann hevur skotið upp fyri Løgtinginum, at tvær lógir verða broyttar. Tað eru MVG lógin og lógin um serligt avgjald á brenniolju. </div><div><br></div><div>Treytin fyri, at bjargingarfeløgini fáa avgjøldini endurrindað er, at øll arbeiðsmegin er sjálvboðin og ólønt. Haraftrat er tað ein treyt, at bjargingarbátarnir ikki kappast við vinnuligt virksemi. </div><div><br></div><div>Jørgen Niclasen sigur, at bjargingarfeløgini hava útvegað sær nýmótans bjargingarbátar, sum eru vorðnir týðandi partur av tilbúgvingini. Bátarnir og manningar teirra eru ofta við í leiting og bjarging uttan at fáa nakra samsýning. </div><div><br></div><div>Tað er órímiligt, at oljurokningin til hesi før verður tyngd av avgjøldum til tað almenna, halda bjargingarfeløgini, sum hava biðið um at sleppa undan at rinda avgjald.</div><div><br></div>
