SMS á føroyskar hendur burturav

Gullak Madsen hevur keypt 37 prosent av felagnum, og partafelagið N. J. Mortensen á Tvøroyri eigur 13 prosent

01.03.2012 - 09:47

<div><br></div><div>Nú eru tað bara føroyingar, sum eiga sølumiðstøðina, SMS, í Havn.</div><div><br></div><div>Íslendska felagið, EB1, sum í 1998 keypti seg inn í SMS, hevur júst selt sína helvt í sølumiðstøðini. Nýggju partaeigararnir eru Gullak Madsen, reiðari í Hirtshals, sum hevur keypt 37 prosent, og partafelagið N.J.Mortensen á Tvøroyri, sum hevur keypt 13 prosent.</div><div><br></div><div>Størsti eigarin í SMS, Niels Mortensen, eigur framvegis 50 prosent av samtakinum.</div><div><br></div><div>- Sjálvt um vit hava havt gott samstarv við íslendingar, fegnist eg um, at tað hevur eydnast okkum at fáa tveir sterkar, føroyskar viðspælarar í fyritøku okkara, sigur Niels Mortensen, stjóri og høvuðseigari í SMS.</div><div><br></div><div>Í nevndini í SMS eru nú Christian Andreasen, Gullak Madsen, Gudmund Mortensen, Annfinn V. Hansen og Mogens Nielsen. </div><div><br></div><div>Broytingarnar í eigaraviðurskiftunum fara ikki at ávirka virksemið hjá SMS, siga eigararnir.</div><div><br></div><div><p>Mynd:<br><i>Verandi
høvuðseigari, Niels Mortensen, her avmyndaður saman við nýggju
medeigarunum. Frá vinstru Gudmund Mortensen, Niels Mortensen,
Gullak Madsen og Desiree Mortensen.</i></p></div>