Makrelurin fór til matna

Makrelurin í tangunum hjá Christiani í Grótinum fór til matna og ikki til ídnað, hóast skipið var seinkað nakrar dagar av fiskileið, tí skotska fiskiveiðieftirlitið tók tað. 

Pelagos í Fuglafirði keypti feska makrelin, 300 tons, frá Christiani í Grótinum, upplýsir reiðaríið.

Hjá Pelagos verður sagt, at makrelurin var í lagi, og miðalprísurin var 6,20 kr. fyri kilo.  

Í morgun kom Christian í Grótinum á Klaksvík, har avhøvdaði frysti makrelurin, 600 tons, verður uppskipaður.