- Tíðindi, mentan og ítróttur
Edmund Joensen: Sambandsflokkurin er farin av kós
<p>Órógvandi er at síggja, hvussu Sambandsflokkurin er farin av kós 100 dagar eftir, at ABDH-samgongan varð skipað. Flokkurin hevur flutt seg frá sínum sosiala-liberala grundstøði, og fryktandi er fyri, at hetta kemur flokkinum aftur um brekku, um kósin ikki verður rættað.</p><div><br></div><div>Soleiðis skrivar Edmund Joensen, fólkatingsmaður og fyrrverandi løgmaður, formaður og løgtingsmaður Sambandsfloksins, í kronikk í Dimmalætting í dag. </div><div><br></div><div>Edmund Joensen skrivar, at flokkurin fylgir í dag øðrum flokki á einari víðgongdari høgra-liberalistiskari kós, har fá fyrilit eru fyri stevnu Sambandsfloksins .</div><div><br></div><div>- At Sambandsflokkurin er við til at skatta pensjónir við inngjald er eitt beinleiðis inntriv í persónliga frælsið hjá borgarunum. Hetta er eitt brotið sosial-liberalt prinsipp, skrivar Edmund Joensen. </div><div><br></div><div>Hann heldur, at tá pengar aftur fara at vanta í, er ikki óhugsandi, at gjøld ella skattur koma á pensjónirnar eisini, tá tær skulu gjaldast út.</div><div><br></div><div>- Sambandsflokkurin átti at hildið seg burtur frá slíkum, og inntrivið skuldi verið spolað aftur alt fyri eitt, skrivar Edmund Joensen. </div><div><br></div><div>I<b>kki skattapolitikkur hjá Sambandsflokkinum</b></div><div><br></div><div>Hann heldur eisini, at skattapolitikkurin hjá samgonguni gongur ímóti sosialu-liberalu stevnu floksins.</div><div><br></div><div>- Flatur skattur við nøkrum knekkum á kurvini ber í sær, at tey, sum forvinna minst, eru fyri vanbýti. Skipanin arbeiðir ímóti hesum bólki. Hetta er ikki rímiligt, og tað er ímóti prinsippinum um, at allir borgarar í útgangsstøðinum skulu hava somu møguleikar, skrivar fyrrverandi formaðurin í Sambandsflokkinum. </div><div><br></div><div>Edmund Joensen sigur, at hevði Sambandsflokkurin tikið sítt politiska góðs og vallyfti í álvara, høvdu vit havt eina aðra stjórn í dag. </div><div><br></div><div>- Á ongan hátt var valúrslitið eitt ynski frá føroyingum um at seta eina víðgongda høgra-liberalistiska kós til valdið, skrivar Edmund Joensen. </div><div><br></div><div>Hann sigur, at vantandi samráðingarviljin hjá donsku stjórnini í málinum um at dagføra ríkisveitingina er beinleiðis úrslit av, at Sambandsflokkurin vrakaði Javnaðarflokkin sum samstarvsfelaga.</div><div><br></div><div><br></div>
