30.000 íslendingar vilja hava forsetan at halda fram

Forseti Íslands, Ólafur Ragnar Grímsson, umhugsar nú at stilla uppaftur til forsetavalið í summar.<div><br></div><div>Hann hevði annars ongar ætlanir um at stilla uppaftur, men mánadagin fekk hann avrit av undirskriftum frá meiri enn 30.700 íslendingum, sum vilja hava Ólaf Ragnar Grímsson at halda fram í forsetaembætinum.</div><div><br></div><div>Ólafur Ragnar Grímsson sigur, at tað er hansara demokratiska og moralska skylda at umhugsa støðuna av nýggjum, nú hann hevur fingið so nógvar áheitanir um at stilla upp.</div><div><br></div><div>- Eg eri komin í eina støðu, sum eg hvørki hevði væntað ella ynskt. Tað ber í sær, at eg og konan noyðast at broyta ætlanir okkara, sum vit hava lagt fyri framtíðina, segði forsetin í ríkissjónvarpinum.&nbsp;</div><div><br></div><div>Hann sigur, at hann fyrsta dagin fer at taka støðu til, um hann stillar uppaftur til forsetavalið ella ikki.</div>