Verkfallið kostar ein fjórðing av lønini

<div>Verkfallið hjá Pedagogfelagnum kostar limunum ein fjórðing av lønini fyri tíðina, verkfallið vardi.</div><div><br></div><div>Limirnir fáa løn frá felagnum, men líkt er til, at teir fáa ikki meira enn 75 prosent.</div><div><br></div><div>Treytin fyri at fáa pengar frá Pedagogfelagnum er, at fólk vóru við í tiltøkunum, felagið skipaði fyri í verkfallinum. Tey flestu vóru við, sigur forkvinnan, Maud Wang Hansen.</div><div><br></div><div>Nevndin og tey 120 álitisfólkini eru saman um avgerðina at fara í verkfall. Hvør einstakur limur verður ikki spurdur, tí álitisfólkini umboða limirnar, sigur forkvinnan.</div><div><br></div><div>Pengarnir, sum limirnir fáa frá felagnum, er limagjaldið. Kortini verður verkfalslønin flutt limunum sum A-inntøka. Tað merkir, at hetta eru pengar, sum verða skattaðir tvær ferðir, tí fólk rinda limagjald av skattaðum pengum.</div><div><br></div><div>Men hetta fáa fakfeløgini einki gjørt við, sigur Maud Vang Hansen.</div><div><br></div><div>Verkfallið hjá pedagogunum og hjálparfólkjunum vardi í tríggjar vikur og ein dag.</div><div style="font-family: Arial, Verdana; font-style: normal; font-variant: normal; font-weight: normal; line-height: normal; "><br></div><div style="font-family: Arial, Verdana; font-style: normal; font-variant: normal; font-weight: normal; line-height: normal; ">Meiri verður at frætta í útvarpstíðindunum.</div>