Statoil leigar nýtt føroyskt veitingarskip

Norska oljufelagið Statoil fer at leiga nýggja veitingarskipið Sjóborg, sum stendur í gerð í Noregi.<div><br></div><div>Sjóborg verður latin reiðarínum, Supply Service í Leirvík, 23. mars, og fer síðani beinleiðis til Bergen, har sáttmálaskeiðið við Statoil byrjar. Skipið er leigað í seks mánaðir, men møguleiki er at leingja leigusáttmálan í eitt ár.&nbsp;</div><div><br></div><div>Umframt veiting fevnir sáttmálin eisini um oljurudding og bjarging. &nbsp;Øll manningin á Sjóborg verður føroysk.&nbsp;</div><div><br></div><div>Jens Meinhard Rasmussen, stjóri í Supply Service, fegnast um sáttmálan við Statoil, sum er størsti operatørur í norskum øki.&nbsp;</div><div><br></div><div>- Sáttmálin staðfestir eisini góða arbeiðið, sum manningin á hinum báðum veitingarskipunum hjá reiðarínum, Eldborg og Saeborg, hevur avrikað, sigur Jens Meinhard Rasmussen.&nbsp;</div><div><br></div><div><br></div>