533 børn liva fyri 20 kr. um dagin

Í løgtinginum er aðalorðaskifti um barnarættindi, sum tekur støði í eini frágreiðing, sum Annika Olsen, landsstýriskvinna, legði fyri tingið um dagarnar. Frágreiðingin er ein støðulýsing av barnarættindunum í Føroyum.

Seinnapartin hevur Amnesty International eitt tiltak í sambandi við, at barnarættindasáttmálin nú er 25 ár.

Og í sínum lagi vísir felagsskapurin "Í menniskjum góður tokki" á, at tørvur er at seta barnafátækradømi á breddan. Felagsskapurin vísir á, at 533 børn í Føroyum liva í 300 av teimum fátækastu barnafamiljunum í landinum. Og í hesum familjum hevur hvør familjulimur bara 20 krónur at liva fyri um dagin.

Hoyr Annils Bjarkhamar, stigtakara til "Í menniskjum góður tokki" í útvarpstíðindunum.