Fingu boðið 3,6 prosent í trý ár

<div>Fakfeløgini á almenna arbeiðsmarknaðinum fingu tilboð um 1,2 prosent í lønarhækking um árið í trý ár.</div><div><br></div><div>Tað avdúkar formaðurin í Lærarafelagnum, Herálvur Jacobsen, í oddagreinini í nýggjasta Skúlablaðnum.</div><div><br></div><div>Men feløgini tóku ikki av tilboðnum frá Akseli V. Johannesen, sum var landsstýrismaður í fíggjarmálum í undanfarnu samgongu. &nbsp;&nbsp;</div><div><br></div><div>Formaðurin í Lærarafelagnum viðger Fakfelagssamstarvið í oddagreinini.&nbsp;Hann skrivar, at longu í juni í fjør fór Fakfelagssamstarvið undir samráðing við Fíggjarmálaráðið um nýggjar sáttmálar fyri teir, sum fóru úr gildi 1.oktober.&nbsp;</div><div><br></div><div>Tað var í vónini um at fáa samráðingarnar avgreiddar í góðari tíð. Aksel V. Johannesen gjørdi alt fyri eitt greitt, at sum støðan var, so var ikki pláss fyri stórum lønarhækkingum.&nbsp;</div><div><br></div><div>Hinvegin legði landsstýrismaðurin dent á, at fyrilitaleysar sparingar gjørdu størri skaða enn gagn. Tí bjóðaði hann feløgunum 1,2 prosent um árið í trý ár.</div><div>Hóast feløgini í Fakfelagssamstarvinum vóru ymisk á máli um lønarhækking, so vóru 1,2 prosent mett at vera ov lítið. Tí tóku feløgini ikki av, skrivar Herálvur Jacobsen.</div><div><br></div><div>Sum frá leið gjørdist greitt, at løgtingsval fór at verða skrivað út í ótíð. Í Fakfelagssamstarvinum varð tosað um, um tað ikki var skilabest at skriva undir sáttmála fyri løgtingsvalið, tí nýggj samgonga kundi koma eftir valið.</div><div><br></div><div>Hetta var ikki tikið í nóg stórum álvara, og tí hendi einki, skrivar Herálvur Jacobsen.&nbsp;</div><div><br></div>