Lágur oljuprísur ávirkar norska búskapin

Lágur oljuprísur ávirkar norska búskapin
Úrslitið verður, at íløgurnar fækka, arbeiðsloysið veksur, lønirnar lækka, og partabrøvini fara eisini at lækka í virði, sigur norski tjóðbankin
 
26.11.2014 - 14:15

Hækkar oljuprísurin ikki aftur til tað, sum hann var fyri nøkrum mánaðum síðani, so verður afturgongd í norska búskapinum.

Tað eru tveir professarar í búskapi á einum máli um.

Grundarlagið undir frágreiðingini, sum teir hava gjørt, er, at oljuprísurin lækkar 25 prosent. Prísurin er í veruleikanum lækkaður 27 prosent.

Spurningurin er, hvussu leingi oljuprísurin verður so lágur sum nú, men ið hvussu er fer keypiorkan hjá norsku húsarhaldunum at minka, sigur Hilde C. Bjørnland, professari, sum saman við starvsfelaganum, Leif Anders Thorsrud, hevur gjørt frágreiðingina.

BTÚ minkar

Verður oljuprísurin á verandi stigi, fer bruttotjóðarúrtøkan at minka við 0,5 til2,5 prosentstig. Og tá er talan um afturgongd, upplýsir norski tjóðbankin.

Verður oljuprísurin verandi á tí stigi, hann er nú,  lækkar bruttotjóðarúrtøkan uppaftur meiri, sigur professarin. Úrslitið verður, at íløgurnar gerast færri, arbeiðsloysið veksur, lønirnar lækka, og partabrøvini fara eisini at lækka í virði.

Fyri einum ári síðani kostaði ein tunna av olju úr Norðsjónum 107,90 dollarar, í gjár var prísurin 78,27 dollarar fyri tunnuna.

Er kopiera
Nýggjastu sendingar í ÚV
Týsdag 7. januar
Góðan morgun Føroyar
185949
Týsdag 7. januar
Morgunlestur týsdagur 7. januar 2025
185729
Mánadag 6. januar
Hilmar Heinesen: Glaður fyri lívið
185937
Mánadag 6. januar
Upp á gólv á Trettanda
185914
Nýggjastu sendingar í SV
Týsdag 7. januar
Veðrið
185981
Týsdag 7. januar
Dagur og vika - teknmálstulkað
185950
Sunnudag 5. januar
Guðstænasta í Skála kirkju
185896
Fríggjadag 3. januar
Veðrið
185848
Mikudag 1. januar
Sig okkurt skek
185740