Fútin vil aftur leingja varðhaldsfongslingina

<div>Klokkan hálvgum tvey fer fútin aftur at biðja Føroya rætt leingja varðhaldið hjá 32 ára gamla manninum, sum er skuldsettur fyri at hava beint fyri Dánjali Peturi Hansen fyrst í november í fjør.</div><div><br></div><div>Maðurin varð varðhaldsfongslaður fyrstu ferð tann 16.november, og síðani er varðhaldið longt nakrar ferðir. &nbsp;</div><div><br></div><div>Fútin fer í dag at biðja rættin leingja varðhaldið fýra vikur afturat. Fútin fer eisini at biðja um, at rættarfundurin verður hildin fyri afturlatnum hurðum.</div><div><br></div><div>Skuldsetti maðurin verður mentalkannaður, og bíðað verður eftir úrslitinum av teirri kanningini. Eisini bíðar kriminalpolitiið eftir úrslitum av øðrum kanningum.&nbsp;</div><div><br></div><div>Bergleif Brimvík, kanningarleiðari, dugir ikki at siga, nær málið verður sent fútanum, sum ger av, um skuldsetti maðurin skal ákærast.&nbsp;</div><div><br></div><div>Verður maðurin ákærdur fyri manndráp, skal hann fyri nevningating.&nbsp;</div><div><br></div><div>Eingin annar er skuldsettur í málinum um tann horvna Dánjal Petur Hansen.</div><div><br></div><div>Leygarkvøldið klokkan sjey verður minningarløta fyri Dánjali Peturi Hansen á Gerðisvegi 34 í Saltangará, har Dánjal Petur búði.</div><div><br></div><div><br></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>