Sleppur ikki at ynskja børnum til lukku

<div>Eik banki sleppur ikki at ynskja børnum til lukku.</div><div><br></div><div>Tað hevur bankin fingið at vita frá Brúkaraumboðnum.</div><div><br></div><div>Eik banki sendi børnum bræv, tá tey fyltu 13 ár. Saman við brævinum var lýsingarblaðið "At vera tannáringur."&nbsp;Samstundis sendi bankin foreldrunum bræv um brævið, sum barn teirra fekk frá bankanum.&nbsp;</div><div><br></div><div>Men hetta er ikki eftir lógini um marknaðarføring, sigur Brúkaraumboðið.&nbsp;</div><div><br></div><div>Brúkaraumboðið sigur, at persónlig brøv kunnu ikki sendast børnum uttan samtykki frá foreldrunum.&nbsp;Og at senda børnum føðingardagsheilsanir er eisini marknaðarføring, “branding”, og slíkar heilsanir kunnu tí heldur ikki sendast børnum uttan samtykki frá foreldrunum.</div><div><br></div><div>Eik banki sendir nú foreldrunum brøvini til børnini, og so kunnu foreldrini avgera, um barnið fær brævið.&nbsp;</div><div><br></div><div>Brúkaraumboðið fer eisini at kunna hinar peningastovnarnar um marknaðarføring mótvegis børnum og ungum</div>