Privatir útbyggja havnalagið á Tvøroyri

<div style="font-style: normal; ">Tað verður privata felagið N. J. Mortensen, sum fer at byggja havnalagið á Tvøroyri út, soleiðis at uppsjóvarskip sleppa framat at landa til nýggja virkið hjá Varðanum Pelagic, ið eftir ætlan skal taka ímóti fiski í summar.</div><div style="font-style: normal; "><br></div><div style="font-style: normal; ">Talan er um eina 50 metra langa atløgubryggju, ið skal vera 11 metrar djúp.&nbsp;</div><div style="font-style: normal; "><br></div><div style="font-style: normal; ">Sambært Sosialinum er skotbráið ov stutt, at Tvøroyrar kommuna kann hava djúphavnina lidna longu í summar, og tí hevur felagið N.J. Mortensen tikið um endan.</div><div style="font-style: normal; "><br></div><div style="font-style: normal; ">- Tað var júst fyri, at tað skal ganga skjótt, at vit tóku hesa uppgávuna á okkum, sigur Gudmund Mortensen, stjóri, við Sosialin.</div><div style="font-style: normal; "><br></div><div style="font-style: normal; ">Hann vil ikki upplýsa, hvussu nógv arbeiðið kostar, einans at talan er um nógvar milliónir. Tað verður fyritøkan Articon, ið fer at standa fyri arbeiðnum at gera nýggju djúphavnina á Tvøroyri.</div><div style="font-style: normal; "><br></div><div style="font-style: normal; "><b>Borgarstjórin fegnast</b></div><div style="font-style: normal; "><br></div><div style="font-style: normal; ">Borgarstjórin á Tvøroyri, Kristin Michelsen, tekur væl ímóti ætlanini hjá N. J. Mortensen.</div><div style="font-style: normal; "><br></div><div style="font-style: normal; ">- Tað er ikki annað enn at fegnast um, at vit hava virki her á staðnum, sum eru sinnað at átaka sær eina uppgávu sum hesa, sigur Kristin Michelsen við Sosialin.</div><div style="font-style: normal; "><br></div><div style="font-style: normal; ">Eftir ætlan skal Tvøroyrar kommuna seinni yvirtaka djúphavnina frá N.J. Mortensen.&nbsp;</div><div style="font-style: normal; "><br></div><div style="font-style: normal; ">Partafelagið Varðin í Gøtu og partafelagið Delta Seafood á Tvøroyri stovnaðu herfyri Varðan Pelagic.&nbsp;</div><div style="font-style: normal; "><br></div><div style="font-style: normal; ">Ætlanin er, at núverandi flakavirki á Tvøroyri skal útbyggjast, so møguleiki verður fyri at taka ímóti 600 tonsum av uppsjóvarfiski um samdøgrið. Virkið verður bygt soleiðis, at framleiðsluorkan kann økjast upp í 1000 tons.</div><div style="font-style: normal; "><br></div><div style="font-style: normal; ">Nýggja virkið skal eftir ætlan byrja at taka ímóti fiski í summar.</div><div style="font-style: normal; "><br></div><div><i>Mynd: Nýggja uppsjóvarvirkið á Tvøroyri skal eftir ætlan taka ímóti fiski í summar</i></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>