Tingið hevur samtykt blokkstuðulin

Heildarveitingin úr Danmark í ár verður 624,1 millión krónur.<div><br></div><div>Tað hevur løgtingið samtykt. 21 atkvøður vóru fyri, og 10 atkvøddu ímóti.&nbsp;</div><div><br></div><div>Uppskotið skal hava eina viðgerð í tinginum aftrat.</div><div><br></div><div>Blokkstuðulin verður nú prístalsviðgjørdur, og tí hækkar hann 8,6 milliónir í ár. Samgonguflokkarnir í fíggjarnevndini søgdu, at í ár skal einki mótroknast í ríkisveitingini, men tá samráðst verður um blokkin fyri 2013 skal inntøkuvøksturin í 2011 mótroknast í veitingini við 15 prosentum, sum avtalað er í samgonguskjalinum.</div><div><br></div><div>Samgongan er samd um, at blokkurin ongantíð í samgonguskeiðnum skal fara niður um 615,5 milliónir krónur, sum hann var, áðrenn prístalsviðgerðin kom í gildi.&nbsp;</div><div><br></div><div><br></div>