Høvdu 17 fundir um fíggjarlógina

Semja fekst ikki millum samgongu og andstøðu í Fíggjarnevndini um felags tilmæli um broytingar í uppskotinum hjá landsstýrinum um fíggjarlóg fyri 2015, hóast semja er um onkrar broytingar.

Eftir at hava viðgjørt uppskotið á 17 fundum, kom Fíggjarnevndin við álitinum í gjár.

Meirilutin í nevndini, samgongan, hevur nógvar broytingar, og tað hevur minnilutin, Javnaðarflokkurin og Tjóðveldi, eisini. 

Saman við Framsókn hava teir báðir stóru andstøðuflokkarnir uppskot um broytingar, sum skulu gera, at hallið í 2015 verður 45,4 mió. kr. minni enn landsstýrið skjýtur upp. Hallið verður sambært uppskotinum hjá minnilutanum 94,3 milliónir krónur.