Eingin hevur biðið um samráðingar um nýtt samgonguskjal

<div>Flokkarnir hava skrivað undir eitt samgonguskjal, og eingin hevur biðið um samráðingar um eitt nýtt samgonguskjal.&nbsp;</div><div><br></div><div>Tað sigur Jacob Vestergaard, formaður í tingbólki Fólkafloksins, nú hinir flokkarnir í samgonguni taka undir við fleiri tilfeingisgjøldum enn samgonguskjalið nevnir.</div><div><br></div><div>Jacob Vestergaard vísir á, at vinnan hevur longu tikið samgonguna upp á orðið, tá samgongan boðaði frá, at hon vil hava uppsjóvarfiskin upp á land í Føroyum. Hann vísir á, at eitt uppsjóvarvirki verður nú bygt á Tvøroyri.</div><div><br></div><div>Hvørki Sjálvstýrisflokkurin ella Miðflokkurin vísa aftur tí, sum Johan Dahl í Sambandsflokkinum segði um tilfeingisgjald í síðstu viku, millum annað, at gjald eisini skal leggjast á uppsjóvarfisk, sum verður landaður í Føroyum.</div><div><br></div><div>Bill Justinussen í Miðflokkinum heldur, at samgonguskjalið kann lagast til, og at samráðingarnar um tilfeingisgjald vóru ikki heilt lidnar, tá samgonguskjalið varð undirskrivað.</div><div><br></div><div>Men fyri Fólkaflokkin er eitt undirskrivað samgonguskjal ein avtala, sum skal haldast. Og Jacob Vestergaard veit einki um, at orðingin um tilfeingisgjaldið ikki var liðug, tá teir skrivaðu undir &nbsp;</div><div><br></div><div><br></div><div>Meiri verður at frætta í útvarpstíðindunum.</div><div><br></div>