Eingin niðurstøða um SEV og Magn

Kommunurnar, sum eiga SEV, og nevndin í felagnum, gjørdu onga niðurstøðu á fundinum fyrrapartin.

Tvey evni vóru umrødd, tey eru ætlaða samstarvið millum SEV og oljufelagið Magn, og um vindorkan yvirhøvur skal leggjast í eitt dótturfelag, ella um SEV eisini skal hava vindorkuna undir sínum veingjabreiði.

Hákun Djurhuus, stjóri í SEV sigur, at eftir fundin í dag fer nevndin í felagnum at taka samanum tað, sum kom fram á fundinum fyrrapartin, og síðani at gera eina niðurstøðu.

Hann sigur seg ikki kunna siga nakað frá fundinum í løtuni, tí eingin niðurstøða varð gjørd.

Væntandi fer SEV at taka endaliga støðu til málið á aðalfundinum, sum verður seinast í apríl, ella kanska fyrr enn tað, sigur stjórin.