Stúrir ikki fyri samhaldsfestinum

<div>Samhaldsfestið í føroyska heilsuverkinum verður ikki broytt, hóast nýggi Sjúkrakassagrunnurin sleppur at gera eina ískoytistrygging til summi.</div><div><br></div><div>Tað heldur formaðurin í Javnaðarflokkinum, Aksel V. Johannesen.&nbsp;Serliga nevndarsamansetingin í Sjúkrakassagrunninum forðar fyri hesum, sigur hann.&nbsp;</div><div><br></div><div>Karsten Hansen, landsstýrismaður í heilsumálum, hevur lagt uppskotið um Sjúkrakassagrunnin fyri tingið.</div><div><br></div><div>Tað verður nevndin í grunninum sum skal tryggja, at ískoytistryggingin ikki verður brúkt á nakran ótilætlaðan hátt.&nbsp;Og tað verður nevndin, sum skal taka stig til at stovna serligu ískoytistryggingina. Tað kunnu onnur, eitt nú politikararnir, ikki gera.</div><div><br></div><div>Og nevndin kann ongantíð brúka meira enn 15 prosent av samlaða fænum hjá Sjúkrakassagrunninum til ískoytistryggingina.</div><div><br></div><div>Stovnsfæið hjá grunninum verður 25 milliónir krónur. Hetta eru pengar og ognir, sum sjúkrakassarnir áttu, tá teir noyddust at víkja fyri Heilsutrygd.</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div><div style="font-family: Arial, Verdana; font-size: 10pt; font-style: normal; font-variant: normal; line-height: normal; "><b>Meiri verður at frætta í útvarpstíðindunum.</b></div>