Johan Dahl skuldi verið kunnaður um tølini

Tað var eitt mistak, at Johan Dahl, landsstýrismaður ikki fekk kunning um, at nýggjar útroknkingar hjá ALS, vístu, at stovnurin fór at spara 4 milliónir kr., um farloyvisskipanin varð tikin av.

Hann fekk tað at vita, tá hann kom í Vinnunevndina.
Tá ALS sendi Vinnumálaráðnum tilfar um broytingar í ALS, vístu útrokningarnar, at einki var at spara við at taka farloyvisskipanina av.

Men tá umboð fyri ALS vóru á fundi í Vinnunevndini um uppskotið, vóru nýggju útrokningarnar gjørdar, og tað fekk Vinnunevndin at vita.

Eyðfinnur Jacobsen er formaður í stýrinum fyri ALS.