Føðslutrot hjá skurðsjúklingum skal nú kannast

Granskingarnevndin hevur játtað 6 mió. kr. í stuðli til 7 granskingarverkætlanir, ið skulu menna heilsuøkið í Føroyum.

Tað varð kunngjørt á tíðindafundi í Heilsumálaráðnum fyrrapartin.

Stuðulin kemur úr fænum hjá niðurløgdu sjúkrakassunum.

Poula Patursson, master of science, fekk slaka millión kr. til eina ph.d. verkætlan um føðslutrot hjá skurðsjúklingum í Føroyum.