2 bilar stolnir um vikuskiftið

Ein bilur var stolin í Havn í nátt. Bilurin stóð ólæstur og lyklarnir vóru í.
Maðurin sum tók bilin, rendi á, og rann avstað. Løgreglan fann bilin, men hevur ikki enn fingið hendur á mannin.   

Løgreglan heitir á fólk, um at venda sær til sín, um tey vita nakað um hendingina á telefon 351448.

Leygarnáttina var ein annar bilur stolin, og eisini hann var ólæstur og lyklarnir stóðu í. Maðurin sum tók tann bilin hevur játtað seg sekan, og fær eina bót. 

Báðir bilarnir sum vóru stolnir fingu skaða, men av tíð at teir vóru ólæstir, er ivamál um tryggingin tekur við, og hvør skal rinda fyri skaðarnar. 

Eigararnir av bilunum, sum vóru stolnir, verða skuldsettir fyri ikki at tryggja, at fólk kunnu fara avstað við bilunum. Bótin er 500 krónur. 

Løgreglan heitir tí á fólk um at læsa bilin og at taka lyklarnar við sær.  

Annars hevur verið friðarligt hjá løgregluni í nátt, talan hevur fyri tað mesta verið um at sissa full fólk, sum vóru farin at kjakast í býnum, verður upplýst av politistøðini.