Stórur munur á fyrireikingartíð

<div>Stórur munur er á pedagogum og fólkaskúlalærarum, tá ræður um fyrireiking.</div><div><br></div><div>Stóri spurningurin í sáttmálatrætuni millum Pedagogefelagið, sum er í verkfalli, og arbeiðsgevararnar er fyrireikingartíðin. &nbsp;</div><div><br></div><div>Sambært galdandi sáttmála hava pedagogar á barnaansingarstovnum ein tíma í miðal um vikuna at fyrireika pedagogiska arbeiðið.&nbsp;Lærarar hava ein hálvan tíma fyri hvørji trý korter, teir undirvísa.</div><div><br></div><div>Egintíðin, sum hon eitur í sáttmálanum hjá Lærarafelagnum, er tíðin, lærarin brúkar til at ráðleggja, fyrireika og eftirmeta sína undirvísing, gera ársætlanir og samskifta við foreldur uttan fyri skúlatíðina.</div><div><br></div><div>Pedagogar hava eina serliga skipan viðvíkjandi foreldrafundum og starvsfólkafundum.&nbsp;</div><div><br></div><div>Munur er eisini á frælsinum hjá pedagogum og lærarum, tá tey fyrireika seg.</div><div><br></div><div>Lærarasáttmálin sigur stutt og greitt, at lærarin ræður sjálvur fult og heilt yvir egintíðini.</div><div><br></div><div>Í pedagogsáttmálanum stendur í greinini "tíð til annað arbeiði," at hjá pedagogum á dagstovnum kann ein tími í miðal um vikuna brúkast til at fyrireika pedagogiska arbeiðið. Leiðarin á stovninum hevur ábyrgd av tilrættaleggjan av hesum arbeiði. &nbsp;</div><div><br></div>