Havstovan kannar makrelstovnin

<div>Havstovan fer aftur í ár at kanna makrelstovnin, og hvørja ávirkan hann hevur á føroyska økið.</div><div><br></div><div>Líknandi kanningar hjá Havstovuni í fjør vístu, at makrelurin kom í føroyskan sjógv tíðliga í mai mánaði. Royndarfiskiskapur síðst í november, har sjey nótaskip luttóku, vísti, at makrelurin tá var farin úr føroyskum sjógvi.</div><div><br></div><div>Í fjør vórðu ongar kanningar gjørdar av makreli inni við land fyrstu mánaðirnar av kanningartíðarskeiðnum. Tí ber ikki til at siga neyvt, hvørja ávirkan makrelurin hevur á vistskipanina í føroyskum øki. Hesar kanningar ætlar Havstovan at gera í ár.</div><div><br></div><div>Havstovan vónar at fáa royndir av makreli á landgrunninum tíðliga í summar, soleiðis at staðfestast kann, hvørja ávirkan makrelurin hevur á annað lív í føroyskum sjógvi.&nbsp;</div><div><br></div><div>Endalig frágreiðing verður latin Fiskivinnugransking við ársenda.</div><div><br></div>