Kamaradvokatur: Løggildingarnar eru ólógligar

<div>Løggildingarnar í grannskoðaramálinum eru ólógligar. Tí eigur Skrásetingin at kanna, um tær kunnu takast aftur.</div><div><br></div><div>Tað sigur danski kamaradvokaturin í einum uppriti til Skráseting Føroya, sum er dagfest 7.oktober í fjør.&nbsp;</div><div><br></div><div>Jákup Eyðfinn Kjærbo, sum løgmaður setti sum fyribils stjóra á Skrásetingini at kanna, um til bar at taka løggildingina aftur, bað kamaradvokatin, advokatvirkið Poul Schmith, um eitt upprit. &nbsp;</div><div><br></div><div>Kamaradvokaturin er eitt privat advokatvirki, sum hevur avtalu við statin um at arbeiða fyri donsku miðfyrisitingina.</div><div><br></div><div>Jákup Eyðfinn Kjærbo gjørdi av at taka løggildingina aftur frá fýra grannskoðarum alt fyri eitt. Hinir fimm fáa eitt ár at standa kravdu próvtøkuna, sum krevst fyri at fáa løggildingina. Annars missa eisini teir løggildingina.&nbsp;</div><div><br></div><div>Sjey av teimum níggju grannskoðarunum hava kært avgerðina til løgmann. &nbsp;</div><div><br></div><div>Karsten Revsbech, professari í løgfrøði, sum Christian Andreassen, advokatur hjá &nbsp;teimum sjey grannskoðarunum, spurdi, sigur eisini, at løggildingarnar eru ólógligar og eiga at takast aftur. Men ikki fyrr enn um eitt ár og ikki, um grannskoðararnir hava staðið royndina, áðrenn árið er farið.&nbsp;</div><div><br></div><div>Og royndin eigur at vera lættari enn tann vanliga royndin.</div><div><br></div><div>Karsten Revsbech útilokar ikki, at ein dómstólur, millum annað Evropeiski mannarættindadómstólurin, kann gera ta niðurstøðu, at grannskoðararnir varðveita løggildingina uttan at fara til roynd.</div>