Hvørgin parturin vil flyta seg

<div>Einki røkist fyri semju millum Pedagogfelagið og arbeiðsgevararnar, sum eru Kommunala Arbeiðsgevarafelagið og Lønardeildin hjá Fíggjarmálaráðnum.&nbsp;</div><div><br></div><div>Hvørgin partur hevur biðið mótpartin koma á fund, og hvørgin partur sigur seg vera sinnaðan at flyta seg.</div><div><br></div><div>- Vit hava ikki flutt okkum, sigur Karl A. Olsen, næstformaður í Kommunala Arbeiðsgevarafelagnum, sum ikki vil gera samrøðu við útvarpið um málið.&nbsp;</div><div><br></div><div>-Vit samráðast ikki gjøgnum fjølmiðlarnar, sigur hann.</div><div><br></div><div>Støðan hjá arbeiðsgevarunum er, at fyrireikingartíð hoyrir undir rættin hjá leiðsluni at leiða og fordeila arbeiðið.&nbsp;</div><div><br></div><div>- Harumframt er er tað eisini ein spurningur um, hvør skal gjalda fyri fyrireikingartíðina, sigur Karl A. Olsen.&nbsp;</div><div><br></div><div>Kommunala Arbeiðsgevarafelagið hevur enn ikki tikið stig til at boðsenda Pedagogfelagnum á fund. Og hinumegin borðið hevur Pedagogfelagið heldur ikki boðað til fundar.&nbsp;</div><div><br></div><div>-&nbsp;Okkara støða er tann sama, vit hava ikki flutt okkum, sigur Maud Wang Hansen, forkvinna í Pedagogfelagnum.</div><div><br></div><div>Hon hevur ikki hug at tosa um, hvørt ein broyting í dagstovnalógini, ið ásetir fyrireikingartíð til námsfrøðingarnar, kann loysa knútin.</div><div><br></div><div>- Mentamálaráðið er ikki okkara sáttmálapartur, so tað er ikki okkara borð at diskutera tann spurningin, sigur Maud Wang Hansen.&nbsp;</div><div><br></div>