Skammlop var orsøk til eld í Athenu

<div>Skammlop og ein ljósbogi við eina lampu í lastini á fyrsta dekki var orsøkin til eldin um borð á Athenu, tá hon var á veg til fiskiskap við afrikansku strondina 27.oktober í 2010.</div><div><br></div><div>Tað er niðurstøðan í frágreiðingini hjá Den Maritime Havarikommission, sum kannaði óhappið fyri føroyska skipaeftirlitið.&nbsp;</div><div><br></div><div>Sambært frágreiðingini kyknaði eldurin í lastini á fyrsta dekki, og fór skjótt gjøgnum eina opna lúku upp til eitt pakkirúm á øðrum dekki. Har vóru nógvar pappeskjur til fisk, og eldurin vaks tí skjótt, eisini tí luft slapp til gjøgnum opnar dyr og lemmar í skottunum.</div><div><br></div><div>Verksmiðjutrolarin var staddur 230 fjórðingar í ein útsynning úr Scillyoyggjum á veg til fiskiskap við Mauretania í Norðurafrika, tá eldur kom í. Skipið var júst liðugt umvælt eftir eldin, sum var umborð í 2007. 111 fólk vóru við Athenu í oktober í 2010, men eingin fekk skaða.</div><div><br></div><div>9.mai í fjør var aftur eldur í Athenu, meðan hon lá á Runavík. Hesa ferð varð skipið ikki gjørt aftur, men selt til Danmarkar til upphøggingar.</div><div>&nbsp;&nbsp;</div><div><br></div>