Rúni Heinesen stýrisformaður fýra ár afturat

Rúni Heinesen heldur fram sum formaður í stýrinum fyri Kringvarp Føroya, og Hjalmar Hansen heldur fram sum næstformaður.

Bjørn Kalsø, landsstýrismaður í mentamálum, hevur valt nýtt kringvarpsstýri, sum tekur við 1. januar.

Hini í stýrinum eru Gunvá við Keldu, Aibritt á Plógv, Katrin Petersen, Theodor Eli D. Olsen, og Kári Sólstein.

Nývaldar eru Gunvá við Keldu og Aibritt á Plógv. Kári Sólstein er nýtt starvsfólkaumboð.

Kringvarpsstýrið situr í fýra ár. Tað er ovasta leiðslan í Kringvarpinum, og hevur yvirskipaðu ábyrgdina av, at ásetingarnar í lógini og fyriskipum fyri stovnin verða fylgdar.