Vestmanna kommuna sleppur undan árinskanning

<div>Umhvørvisstovan hevur givið Vestmanna kommunu undantak frá kravinum um umhvørvisárinsmeting í sambandi við, at kommunan setur vatnturbinu á eina drekkivatnsleiðing&nbsp;</div><div><br></div><div>Vestmanna kommuna ætlar at seta eina vatnturbinu á drekkivatnsleiðingina frá Krákugjógv til vatnbrunnin við Gjógvará, og vinna elorku úr drekkivatninum.</div><div><br></div><div>Sambært elveitingarlógini skal gerast ein umhvørvisárinsmeting, sum Umhvørvisstovuni skal góðkenna, áðrenn loyvi kann verða veitt til elframleiðslu. Tó kann Umhvørvisstovan veita undantak frá hesum kravi.</div><div><br></div><div>Av tí at einki inntriv er á náttúruna - at taka vatn, leggja vatnleiðing ella vegagerð - &nbsp;metir Umhvørvisstovan, at verkætlanin ikki hevur nakað árin á náttúru ella umhvørvi, meiri enn tað, sum longu er gjørt.&nbsp;</div><div><br></div><div>Tí hevur Umhvørvisstovan tikið avgerð um at geva kommununi undantak frá kravinum um umhvørvisárinsmeting.</div><div><br></div>