Runavíkar kommuna ger íløgur í eldraøkið

Runavíkar kommuna ger íløgur í eldraøkið
Runavíkar kommuna ger íløgur fyri til samans 28,7 milliónir krónur í eldraøkið
Runavíkar kommuna spennir seg út á eldraøkinum
 
29.12.2014 - 15:01

Eldraøkið fer at seta dám á virksemið hjá Runavíkar kommunu næsta ár. Kommunan keypir saman við Nes- og Sjóvar kommunum partin hjá Sunda-, Eiðis-, Fuglafjarðar- og Eysturkommunu í Eysturoyar røktar- og ellisheimi.

Samstundis keypir kommunan sær eisini ognarlut í eldrasambýlunum á Toftum og Strondum. Og tað kostar Runavíkar kommunu til samans 28,7 milliónir krónur. 

Men samstundis fær kommunan slakar 31 milliónir frá landinum til at reka eldraøkið í 2015. Runavíkar kommuna fegnast um avtaluna millum kommunurnar á Skálafjørðinum um heilsumiðstøð í Runavík. 

Lítil áhugi fyri kommunulæknastørvum

Ætlanin er, at ein stórur partur av heilsuveitingunum til borgarar, sum hava varandi sjúku, og til eldri sum frálíður skal vera í heilsudeplinum. 

Men fyrst og fremst verður arbeitt við at skipa Heilsumiðstøðina soleiðis, at góðar umstøður verða til tríggjar kommunulæknar. 

Bara ein kommunulækni er í løtuni í føstum starvi á Heilsumiðstøðini í Runavík. Heilsutrygd søkti í september eftir tveimum kommunulæknum til Heilsumiðstøðina, men í fyrsta umfari vóru ov fáar umsóknir, og tí verður lýst aftur fyrst í nýggja árinum. 

5.800 fólk eru í læknadøminum. Fíggjarætlanin hjá Runavíkar kommunu næsta ár er góðar 162 milliónir kr. Skattaprosentið er óbroytt, 22 prosent, og barnafrádrátturin er eisini óbroyttur, 5.000 krónur.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435