31.500 kr. at spyrja um gegni

<div>Tað er ikki ókeypis at biðja advokatar viga og meta um gegnið hjá tær.</div><div><br></div><div>Tað kostaði Fiskimálaráðnum 31.500 krónur at fáa advokatin, Anfinn V. Hansen, &nbsp;at meta um gegnið hjá landsstýrismanninum í fiskivinnumálum. Fiskimálaráðið bað sjálvt Anfinn V. Hansen um at meta um gegnið hjá Jákupi Mikkelsen, sum er svágur Hanus Hansen, reiðara.&nbsp;</div><div>´</div><div><div>Fiskimálaráðið bað sjálvt Anfinn V. Hansen um at meta um gegnið hjá Jákupi Mikkelsen, sum er svágur Hanus Hansen, reiðara.&nbsp;</div><div><br></div><div>Spurt varð um gegnið í trimum ítøkiligum førum. Um fyrireikingina í samband við ætlanina hjá landsstýrinum at seta fram lógaruppskot um at áseta avreiðingargjald fyri uppsjóvarfisk. Um samráðingar við íslendingar um nýggjan fiskiveiðusáttmála. Og um avgerð um fiskiskap við Flemish Kap.</div><div><br></div><div>Uppritið viðger ikki aðrar støður, har ógegni kann vera, ella generella gegnið hjá landsstýrismanninum í fiskivinnumálum.</div><div><br></div><div>Niðurstøðan hjá advokatinum var, at tað í hesum trimum ítøkiligu førum ikki er ein gegnistrupulleiki hjá landsstýrismanninum, at hann er svágur reiðaran.&nbsp;Fyri hesa niðurstøðu skal Fiskimálaráðið rinda 31.500 krónur, tá er meirvirðisgjald íroknað.</div><div><br></div></div><div>Síðani henda niðurstøðan varð gjørd, hevur Jákup Mikkelsen sagt seg verða ógegnigan í summum førum, og Kaj Leo Holm Johannesen, løgmaður, umsitur nú makrelsamráðingarnar og fiskivinnuavtaluna við Grønland.&nbsp;</div><div><br></div><div>Í hesum sambandi er Andras Kristiansen, deildarleiðari í Fiskimálaráðnum, fluttur Løgmansskrivstovuna at starvast fyribils. Hann hevur m.a. verið leiðari hjá føroysku samráðingarnevndini í makrelmálinum.&nbsp;</div><div><br></div><div><br></div><div><br></div><div><br></div><div><br></div><div><br></div>